🔹Joriy yilning 27-may kuni O‘zbekiston Respublikasi Prezidenti Shavkat Mirziyoyev tomonidan oʻtkazilgan videoselektor yig‘ilishi mahalliy sanoatni yanada rivojlantirish, yangi ish o‘rinlari yaratish va aholi turmush darajasini oshirishda muhim qadam bo‘ldi. Yig‘ilishda davlatimiz rahbari tomonidan belgilab berilgan ustuvor vazifalar mahalliy ishlab chiqarishni qo‘llab-quvvatlash, zamonaviy texnologiyalar joriy etish va hududiy investitsiya muhitini yaxshilashga qaratilgani bilan ahamiyatlidir.

🔹Shuningdek, O‘zbekistonda fan, ta’lim va ishlab chiqarishning integratsiyasiga alohida e’tibor qaratilmoqda. 2022-yilda Navoiy viloyatida o‘tkazilgan xalqaro ilmiy-amaliy konferensiyada mahalliy iqtisodiyotni rivojlantirish, jumladan, qishloq xo‘jaligi, kimyo sanoati, tog‘-konchilik va farmasevtika sohalarini rivojlantirishdagi ilmiy ishlanmalarni amaliyotga joriy qilish muhimligi ta’kidlangan. 

🔹Shu bilan birga, mamlakatda maxsus iqtisodiy zonalarni tashkil etish va ularni rivojlantirishga qaratilgan ishlar amalga oshirilmoqda. Biroq, ushbu zonalarning muhandislik-kommunikatsiya va ishlab chiqarish infratuzilmasini rivojlantirishdagi muammolar, masalan, loyiha-smeta hujjatlarining ishlab chiqilmagani va ajratilgan mablag‘larning o‘zlashtirilmagani kabi masalalar mavjud.

🔹Xulosa qilib aytganda, mening fikrim “Mahalliy sanoat – iqtisodiy taraqqiyot garovi” O‘zbekistonning iqtisodiy rivojlanishida mahalliy ishlab chiqarishning muhimligini ko‘rsatadi. Biroq, ushbu jarayonda ilg‘or mamlakatlar tajribasini inobatga olish va aholi fikriga e’tibor qaratish muhimdir.

Xalq deputatlari Bo‘stonliq tumani Kengashi deputati S.Madjitov