Xalq deputatlari Ishtixon tuman Kengashi deputati A. Rabbimov tomonidan tumandagi 55-umumiy o‘rta ta'lim maktabida o‘quvchilar bilan uchrashuv tashkil etildi.

Uchrashuv davomida yoshlarga ta’limning jamiyatdagi o‘rni, ilm-fanga bo‘lgan qiziqishni kuchaytirish, vatanparvarlik ruhini shakllantirish hamda ijtimoiy faollikni oshirish borasida muhim tavsiyalar berildi. Shuningdek, bugungi kunda davlat tomonidan yoshlarga yaratilayotgan imkoniyatlar, grantlar, tanlovlar va tashabbuslarni qo‘llab-quvvatlash mexanizmlari haqida batafsil ma’lumotlar taqdim etildi.

Deputat yoshlarning fikr va takliflarini eshitib, ularni qiziqtirgan savollarga javob berdi. Ayniqsa, kelajak kasblari, raqamli texnologiyalar va innovatsion yo‘nalishlar borasidagi savollar atroflicha muhokama qilindi.

📚 Bunday uchrashuvlar yosh avlodning ijtimoiy ongini yuksaltirish, ularni mustaqil fikrlovchi va mas’uliyatli fuqarolar etib voyaga yetkazish yo‘lida muhim ahamiyat kasb etadi.