📍 Xalq deputatlari Ishtixon tuman Kengashi deputatlari N.Kiyamov, M.Raximov va M.Umirovalar tomonidan tumandagi Mohpar mahalla fuqarolar yig‘ini hududida joylashgan 60-sonli umumta’lim maktabida o‘rganish ishlari olib borildi.

📌 O‘rganish natijalariga ko‘ra, ushbu maktabga qo‘shimcha o‘quv binosi qurilishi rejalashtirilgan bo‘lib, bu bino 2025-yil yangi o‘quv yiliga qadar foydalanishga topshirilishi kerak.

❗️ Ammo ayni paytda faqatgina katlavan qazish ishlari amalga oshirilgan, qurilishga oid boshqa ishlar hali boshlanmagan.

⏳ Yangi o‘quv yiliga esa atigi bir necha oy vaqt qolgan. Bu esa:

qurilishning kechikishi,

yangi o‘quv yilini muammolar bilan boshlash,

mavjud maktab binosida o‘quvchilar zichligini oshirib yuborish,

va eng asosiysi, ota-onalar va pedagoglar orasida norozilik uyg‘otish xavfini tug‘diradi.

🔎 Savol tug‘iladi:

👉 Katlavan qazib qo‘yilgan, lekin bir oylar davomida ish harakatsiz qolayotgan bo‘lsa, ushbu ob’yektda kim nazoratni amalga oshiradi?

👉 Rejaga ko‘ra foydalanishga topshirilishi kerak bo‘lgan bino hali boshlanmagan bo‘lsa, yangi o‘quv binosining o‘z vaqtida, sifatli va talab darajasida topshirilishiga kim javob beradi?

👉 Qachon aniq bosqichma-bosqich ish boshlanadi?

📣 Prezidentimiz tomonidan farzandlarimiz uchun zamonaviy va xavfsiz ta’lim sharoitini yaratish bo‘yicha qat’iy topshiriqlar berilgan bir paytda, bunday loqaydlik va sustkashlik holatlari mutasaddilar tomonidan zudlik bilan bartaraf etilishi lozim.

🛑 Deputatlar tomonidan bu masala alohida nazoratga olindi. Qurilish ishlari bosqichma-bosqich yuritilishi va yakunlanishi bo‘yicha jamoatchilikka muntazam axborot berilishi talab qilinadi.

🎯 Farzandlarimiz ta’limi va kelajagi uchun har bir qurilish — faqat loyiha emas, bu ishonch va mas’uliyat timsolidir.