O‘zbekiston Respublikasi Prezidentining 2024-yil 23-sentabrdagi “Kambag‘allikni qisqartirish va aholi turmush farovonligini oshirish borasidagi chora-tadbirlarni yangi bosqichga olib chiqish to‘g‘risida” Farmoni bilan hududlarda aholi turmush shart-sharoitini yaxshilash, tadbirkorlikni rivojlantirish, kambag‘allikni qisqartirish va ijtimoiy qo‘llab-quvvatlash dasturlarining natijadorligiga erishishda yangicha yondashuv va to‘plangan milliy tajribani qo‘llash chora-tadbirlarini yanada yuqori
bosqichga olib chiqish maqsad qilingan. Xalq Xalq deputatlari Urganch shahar Kengashi kotibiyati mudiri P.Ro‘ziboyev va Kengash deputati M.Atayevalar bugun bu borada shahardagi “Hamjihatlik” mahallasi hududida istiqomat qiluvchi kambag‘al oilalar va ularni kambag‘allikdan chiqarish bo‘yicha amalga oshirilgan ishlarni nazorat qildilar. Nazorat-tahlil yakunida kambag‘al oilalarga biriktirilgan viloyat va shahar tashkilotlarining mas’ul xodimlariga mazkur yo‘nalishdagi ishlarni jadallashtirishga qaratilgan tegishli taklif va tavsiyalarini berdilar.