Yangiariq tumanidagi Gʻaltak mahallasi aholisining aksariyat qismi mahalla nomidan shikoyat qilib, har sohada taraqqiy etib, rivojlanib kelayotgan mahallaga bu nom mos emasligini bildirib, geografik obyektlarni nomlash va qayta nomlash masalalari boʻyicha tuman komissiyasiga murojaat qilishgan. 

Shu munosabat bilan, viloyat hokimligi huzuridagi Geografik obyektlarni nomlash va qayta nomlash masalalari boʻyicha viloyat komissiyasi tomonidan tumanidagi Gʻaltak mahallasi nomini Turkiston nomiga o'zgartirish taklif qilindi.