Mazkur jarayonlarda xalq deputatlari Qumqo‘rg‘on tumani Kengashi deputati Dilfuza Qo‘ziyeva o'z saylov okrugidagi "Bog‘aro" mahallasida, kotibiyat bosh mutaxassisi T.Gulmatov bilan birgalikda hududlarga chiqib, amalga oshirilayotgan ishlarni joyida o‘rgandi.
O‘rganishlar davomida mahallalarning sanitariya holati, ichki ko‘chalar obodonchiligi, yo‘l yoqalari va ariq-zovurlarni tozalash, daraxtlarni oqlash va shakl berish, ko‘kalamzorlashtirish, ichimlik suvi hamda tungi yoritish tizimi, chiqindilarni o‘z vaqtida olib chiqish, ijtimoiy soha obyektlari, qabristonlar va jamoat maskanlarining holati atroflicha ko‘zdan kechirildi.
Shuningdek, "Obod xonadon – obod ko‘cha – obod mahalla" tamoyili asosida olib borilayotgan ishlar, "mahalla yettiligi" faoliyati, aholi tomorqalaridan samarali foydalanish, mahallalarda jamoatchilik faolligini oshirish hamda fuqarolarni obodonlashtirish ishlariga keng jalb etish bo‘yicha amalga oshirilayotgan ishlar bilan tanishdi.
Aniqlangan kamchiliklarni bartaraf etish yuzasidan mas'ul tashkilotlar va mutasaddilarga aniq topshiriqlar berilib, ularni qisqa muddatlarda bartaraf etish bo‘yicha amaliy choralar belgilandi.