Davlatimiz rahbarining Vengriya Bosh vaziri Viktor Orban bilan uchrashuvi va unda erishilgan kelishuvlar ikki mamlakat o‘rtasidagi munosabatlar tarixida yangi sahifa ochdi, desak aslo mubolag‘a emas. Zero, ushbu tashrif doirasidagi muzokaralar natijalari mamlakatimiz tashqi siyosatining ochiq, pragmatik va teng manfaatlarga asoslanganligini yana bir bor tasdiqladi.

Bugungi kunda mamlakatlarimiz o‘rtasidagi munosabatlar oddiy hamkorlikgina emas, balki strategik sheriklik darajasiga yetib borganligini keng hamjamiyat e’tirof etmoqda. Bu nainki ikki tomonlama munosabatlarning yuksak darajada ekanligini, balki har ikki davlatning uzoq muddatli istiqboliga asoslangan hamkorligidan dalolat beradi.

Muzokaralar davomida savdo-iqtisodiy hamkorlikni rivojlantirishga alohida e’tibor qaratildi.