Xalq deputatlari Ishtixon tumani Kengashi deputatlari F.Abdurazzaqov, V.Soliyeva va J.Rasulovlar Safaxo‘ja mahalla fuqarolar yig‘inida joylashgan 12-umumiy o‘rta ta’lim maktabi faoliyati bilan yaqindan tanishdilar.

Tashrif davomida deputatlar maktabdagi o‘quv jarayonlari, o‘qituvchilarning metodik tayyorgarligi hamda darslarning sifati bilan qiziqishdi. Maktab pedagogik jamoasi bilan bo‘lib o‘tgan muloqotda ta’lim sifatini oshirish, o‘quvchilarda mustahkam bilim va amaliy ko‘nikmalarni shakllantirish, shuningdek, bitiruvchi yoshlarni kasb tanlash, oliy ta’lim muassasalariga tayyorlash va ularni har tomonlama qo‘llab-quvvatlash masalalari muhokama qilindi.

📌 Deputatlar tomonidan maktabda yaratilgan shart-sharoitlarga nisbatan ijobiy fikrlar bildirildi va ta’lim jarayonini yanada takomillashtirish bo‘yicha foydali tavsiyalar berildi. Ayniqsa, yosh avlodning barkamol yetishishi uchun o‘qituvchilar zimmasida ulkan mas’uliyat borligi ta’kidlandi.

Deputatlarning ta’lim muassasalariga muntazam tashrifi — bu tizimdagi dolzarb masalalarni joyida hal etish va yoshlar kelajagiga befarq emaslikning amaliy ifodasidir.