Ushbu sessiyada Xalq deputatlari Karmana tumani Kengashi kotibiyat mudiri Gulnoza Shermatova raislik qildi. tuman deputatlari, tegishli korxona va tashkilot rahbarlari ishtirok etgan sessiyada kun tartibi bo‘yicha O‘zbekiston Respublikasi Prezidentining 2025-yil 1-apreldagi “Yoqilg‘i-energiya resurslaridan noqonuniy foydalanish va behuda sarflanishining oldini olish hamda energiya samaradorligini oshirish bo‘yicha chora-tadbirlarni takomillashtirish to‘g‘risida”gi PQ-133-sonli qarorining
tumandagi ijrosi to‘g‘risida tuman Elektr ta’minoti korxonasi direktori T.Qurbonovning hisoboti, O‘zbekiston Respublikasi Vazirlar Mahkamasining 2024-yil 11-oktyabrdagi 665-sonli qaroriga asosan tumandagi ichki yo‘llarni saqlash va joriy ta’mirlash ishlari bo‘yicha 2025-yil uchun dastlabki manzilli ro‘yxatini tasdiqlash to‘g‘risida tuman Obodonlashtirish boshqarmasi boshlig‘i
O.Kamolovning hisoboti, tumanda investisiyalarni jalb qilish va investisiya loyihalarini amalga oshirish, eksport salohiyatini rivojlantirish dasturlari bo‘yicha amalga oshirilayotgan ishlar to‘g‘risida tuman hokimi o‘rinbosari A.Akramovning hisoboti, tuman davlat soliq inspeksiyasi rahbarining mahalliy byudjet daromadlari bajarilishi holati, qo‘shimcha rezervlarni aniqlash
bo‘yicha qilingan ishlar, soliqlar va boshqa majburiy to‘lovlar kesimida byudjetga hisoblangan va amalda to‘langanligi, ular bo‘yicha soliq qarzdorligi to‘g‘risidagi hisoboti to‘g‘risida tuman davlat soliq inspeksiyasi boshlig‘i A.Axmedovning hisobotlari va bir qator hisobotlar tinglandi. Sessiya yakunida kun tartibidagi masalalar yuzasidan tegishli qarorlar qabul qilindi.