Mamlakatimizning kelajagi, iqtisodiy barqarorligi va ijtimoiy taraqqiyoti ta’lim tizimining holati bilan bevosita bog‘liqdir. Prezidentimiz rahbarligida o‘tkazilgan videoselektor yig‘ilishida ko‘tarilgan masalalar, shubhasiz, jamiyatimizda o‘zgarishlar va rivojlanishlar olib kelish uchun juda muhimdir. 

Bugungi kunda ta’lim faqatgina bilim berish jarayoni sifatida emas, balki yosh avlodni tarbiyalash va ularning ongini rivojlantirish jarayoni sifatida qaralishi lozim. O'zbekiston Milliy tiklanish demokratik partiyasi Samarqand viloyati Kengashi hamda Xalq deputatlari Toyloq tumani Kengashi deputatlari ishtirokida o'tkazilgan uchrashuv ham ta'lim sifatini isloh qilish yosh avlodning ta'lim olishlari uchun yaratilayotgan imkoniyatlar, farzand tarbiyasida ota-onaning o'rni mavzularida bo'lib o'tdi. Uchrashuv so'ngida Milliy tiklanish demokratik partiyasi deputatlari tomonidan mahalla kutubxonasiga kitoblar jamlanmasi sovg'a qilindi.