Parkent tumanining Nevich mahallasi "Tashabbusli budjet"ning yo‘l qurilishi loyihasida g‘olib bo‘lgan edi. Asfaltlash ishlarining ba’zi joylari sifatsizligini bartaraf etish masalasida saylovchilar o‘zi saylagan deputatlaridan amaliy yordam berishini so‘ragandi. Ushbu murojaat yuzasidan joriy yilning 17-may kuni Toshkent viloyati Kengashi deputati Muhsiddin Nizomiddinov va Xalq deputatlari Parkent tumani Kengashi deputati Xusnora Yoqubovalar tomonidan Xalq deputatlari Parkent tuman Kengashi kotibiyati mudiri Mavluda Berdiqulovaga aniqlangan muammolarni yetkazishdi. Deputatlar M.Nizomitdinov, X.Yoqubovlar tashabbusi va kotibiyat mudri M.Berdiqulovaning say-harakatlari bilan mahalla aholisining haqli e’tiroziga sabab bo‘layotgan ushbu muammo Transport vazirligi huzuridagi Yo‘l inspeksiyasi, buyurtmachi tashkilot vakili, pudratchi tashkilotlari rahabarlari va vakillari, mahalla raisi, tashabbuskor hamda fuqarolar ishtirokida atroflicha o‘rganildi. O‘rganishlar davomida yuzaga chiqqan muammolar 15 kun ichida quruvchi tashkilotlar tomonidan bartaraf etiladigan bo‘ldi. Fuqarolar murojaati bo`yicha jamoatchilik nazorati o`rnatildi.