Бугун 2025 йил 19 май куни Хўжайли тумани ҳокимлигининг мажлислар залида Халқ депутатлари туман Кенгашининг ўн биринчи сессияси бўлиб ўтди. Сессияни Халқ депутатлари Хўжайли тумани Кенгаши раиси Ж.Ермашев олиб борди. Кун тартибида 5 та масала кўрилиб, сўзга чиққанлар бирма-бир ўз маърузаларини тақдим этди. Хусусан, туман маҳаллий бюджети қўшимча манбаларининг сарфланиши, Адлия бўлимининг норма ижодкорлиги ва ҳуқуқни қўллаш амалиёти, Ички ишлар бўлими амалга оширган ишлар, шоли экинларини оқилона жойлаштириш ва озиқ-овқат маҳсулотлари таъминоти барқарорлигига эришиш, Халқ депутатлари туман Кенгаши ҳузурида Ёшлар маслаҳат гуруҳини ташкил этиш тўғрисидаги ҳисоботлар тингланди. Депутатлар томонидан кун тартибидаги тўртта масала бўйича тегишли қарорлар қабул қилинган бўлса, Хўжайли тумани Ички ишлар бўлими томонидан 2025 йилнинг биринчи чораги давомида амалга оширилган ишлар тўғрисидаги ҳисоботи қабул қилинмасдан қайта тинглашга юборилди.