O‘qituvchilarning xorijda malaka oshirishi ta’lim sifatini oshirishda muhim qadam hisoblanadi deb o'ylayman. Angliya, Fransiya, Singapur, Yaponiya va Janubiy Koreya kabi rivojlangan mamlakatlardagi nufuzli universitetlarda tajriba orttirish orqali ular zamonaviy pedagogik yondashuvlarni o‘rganib, o‘z bilim va ko‘nikmalarini oshiradilar, zero jadidlarimiz ham dunyo bo'ylab ko'plab mamlakatlar ta'limini o'rganishgan va o'z bilimlarini yanada sayqallagan. Xususiy maktablar ham bu jarayonga jalb etilgani ta’lim tizimida teng imkoniyatlar yaratilishini ta’minlaydi. Prezidentimizning ushbu tashabbusni qo‘llab-quvvatlashi va amalga oshirish uchun topshiriq bergani mamlakatimizda ta’lim islohotlariga jiddiy yondashilayotganini ko‘rsatadi. Bu orqali kelajakda bilimli, zamonaviy fikrlaydigan, ilg‘or metodlardan foydalanuvchi o‘qituvchilar avlodi shakllanadi, bu esa yosh avlodning ham har tomonlama yetuk bo‘lib voyaga yetishiga zamin yaratadi.
Xalq deputatlari Jizzax shahar Kengashi deputati Saidova Dilfuza Eshqulovna