ДЕПУТАТТЫҢ ЖЕТИСКЕНЛИГИ 

Бозатаў районы Жаслар орайы имаратында 15-май “Халықаралық шаңарақ күни” мүнәсибети менен салтанатлы илаж болып өтти. Өткерилген илажға Бозатаў районы ҳәкими Б.Уббиниязов қатнасып, жыйналғанларды “Халықаралық шаңарақ күни” менен қызғын қутлықлады. Буннан соң, район аймағынан мүнәсип деп табылған 9 шаңарақ ийелерине “Ибратли оила” көкирек нышанлары салтанатлы түрде тапсырылды. 

“Халықаралық шаңарақ күни” мүнәсибети менен Халық депутатлары Бозатаў районлық Кеңеси депутатлары Г.Юсупова, Г.Бекбосинова ҳǝм Б.Нурлымуратовалар шаңарағы “Ибратли оила” көкирек белгиси менен сыйлықланды. Өз гезегинде Халық депутатлары районлық Кеңеси атынан депутатларымызды қызғын қутлықлап қаламыз. 

Салтанатлы илаждың тийкарғы мақсети шаңарақ институтының əҳмийетин жəне де күшейтиў, шаңарақлық қəдириятларды үгит-нəсиятлаўдан ибарат. Байрам илажы даўамында районлық мәденият бөлими тәрепинен таярланған концерт бағдарламасы жыйналғанлар нәзерине усынылды. Онда атқарылған миллий нама ҳәм қосықлар тамашагөйлерге байрам кейпиятын бағышлады.