Viloyat hokimligi katta majlislar zalida hududlardan saylangan Oliy Majlis senati a’zolari, deputatlar, tashkilot va boshqarmalar boshliqlari ishtirokida xalq deputatlari Surxondaryo viloyati Kengashining o'ninchi sessiyasi bo‘lib o‘tdi.

Sessiya ishini xalq deputatlari viloyat Kengashi raisi Choriyev Abduraim Ravshanovich olib bordi.

Kun tartibida ""2026-2028-yillarda O‘zbekiston Respublikasining ijtimoiy va ishlab chiqarish infratuzilmasini rivojlantirish chora-tadbirlari dasturi"ga kiritilishi mo‘ljallangan ob’ektlar (loyihalar)ning dastlabki manzilli ro‘yxatining muhokamasi to‘g‘risida", "O‘zbekiston Respublikasi Oliy Majlisi Senatining 2025-yil 14-yanvardagi “Hududlarni rivojlantirish hamda aholi muammolarini hal etishda mahalliy Kengashlar deputatlari va senatorlarning “Mahalla yettiligi” bilan o‘zaro hamkorligini yanada kuchaytirish chora-tadbirlari to‘g‘risida”gi KQ-35-V-sonli qarorining viloyatdagi ijrosi yuzasidan O‘zbekiston mahallalari uyushmasi Surxondaryo viloyati boshqarmasi boshlig‘ining hisoboti to‘g‘risida"gi kabi dolzarb qaror loyihalari deputatlar tomonidan muhokama qilindi.

Sessiya ishida jami 15 ta masala deputatlar tomonidan ko'rib chiqildi va bir ovozdan ma'qullandi.

Sessiya ishi "Surxondaryo" televideniyesi orqali to'liq shaklda efirga uzatildi.