Xalq deputatlari shahar Kengashi deputati A.Ashurovning shaharning “Alpomish” mahalla fuqarolar yig‘inida saylovchilar bilan uchrashuvi bo‘lib o‘tdi. Xalq bilan muloqot hayotdagi muammolarni oydinlashtiradi. 

Uchrashuv davomida deputat tomonidan fuqarolarga keyingi yillarda mamlakatimizda barcha sohalarda amalga oshirilayotgan keng qamrovli islohotlar, qabul qilinayotgan
yangi qonunlar, yangi tahrirdagi Konstitutsiyaning mazmun-mohiyati va ahamiyati haqida batafsil ma’lumotlar berildi.

Shuningdek, uchrashuv so‘ngida mahallaning tinchligi, ravnaqi, farovonligini ta’minlashda o‘z fuqarolik vazifasini sidqidildan bajarganligi, o‘zining ishchanlik va boshqaruvchanlik qobiliyatini ko‘rsatganligi, mahalla ishlaridagi faolligi, yoshlar o‘rtasida urf- odatlarimiz, qadriyatlarimizni targ‘ib qilib kelayotganligi, hududlarning tozaligi va obodonlashtirish ishlarida qo‘shgan hissasi uchun mahalla faollariga tashakkurnoma berildi.