Samarqand viloyati Jomboy tumani 14- Koʻkgumbaz okrugidan saylangan viloyat kengashi deputati Baratova Nodira Maxsumovna, tuman tashkilotlari faoliyatini oʻrgandi.

O‘rganish davomida, tibbiyot birlashmasi faoliyati bilan yaqindan tanishdi. Bemorlarga ko‘rsatilayotgan xizmat sifati, dori-darmon ta’minoti, tibbiy xodimlarning ish sharoitlari kabi masalalar atroflicha ko‘rib chiqildi.

Shuningdek, deputat kambag‘allikni qisqartirish bo‘limida ham bo‘lib, aholini ijtimoiy qo‘llab-quvvatlash, bandlikni ta’minlash borasida amalga oshirilayotgan ishlar bilan tanishdi. Mavjud muammolar va ularni bartaraf etish yo‘llari muhokama qilindi.

O‘rganish natijalari bo‘yicha tegishli tavsiyalar berildi. Ushbu masalalar ijrosi deputatlarning doimiy nazoratida bo‘lishi ta’kidlandi.