Xalq deputatlari Samarqand viloyati Kengashi deputati F.Xonkeldiyeva va shahar Kengashi deputati B.Rahmonov saylov okurgi joylashgan mahallalardagi muammolarni o‘rganish maqsadida, Samarqand shahrida joylashgan Hazora, Yuqori Xo‘jasoat, O‘rta Xo‘jasoat, Quyi Xo‘jasoat, Hunarmandlar, Bog‘i Safed va Bog‘i Mirzo mahallalarini ko‘zdan kechirib, undagi kam ta’minlangan va sharoiti og‘ir oilalar bilan uchrashdi.

Mahalladagi mavjud muammolar o‘rganilib, ba’zi fuqarolarga 9-may — Xotira va qadrlash bayrami munosabati bilan sovg‘alar berilib, amaliy yordam ko‘rsatildi. Bundan tashqari viloyat Kengashi deputati F.Xonkeldiyeva va Samarqand shahar Kengashi deputati B.Rahmonov tomonidan aholidan tushgan muammolar tegishli tashkilotlarga Deputatlik so‘rovlari chiqarishga kelishib olindi.