Piskentda “Nuroniylar maskani” ochildi

        Piskent tumanida keksalarga munosib shart-sharoit yaratishga qaratilgan “Nuroniylar maskani” tantanali ravishda ochildi.

        Zamonaviy me’moriy uslubda qurilgan mazkur maskanda 50 o‘rinli majlislar zali, tibbiyot va sport xonasi, “Buvijonlar maktabi”, kutubxona va dam olish hududlari mavjud bo‘lib, u 12 188 nafar yoshga doir pensiya oluvchilarning ehtiyojlari inobatga olingan holda tashkil etilgan.

        Ochilish marosimida Xalq deputatlari Toshkent viloyati Kengashi raisi Sayyora Fayziyeva, “Nuroniy” jamg‘armasi raisi o‘rinbosari Sharof Ubaydullayev, viloyat jamg‘armasi rahbari Abdusamad Nosirov hamda Piskent tumani hokimi Muzaffar Aripov ishtirok etib, nuroniylarni samimiy tabrikladilar.

       Ular mazkur maskan faqatgina dam olish joyi emas, balki nuroniylar hayotini yanada mazmunli va faol etishga xizmat qilajagini ta’kidladilar. “Nuroniylar maskani” keksalar uchun sukunat, yoshlar uchun esa ma’rifat va ibrat o‘chog‘idir.