9-may – Xotira va Qadrlash kuni hamda Ikkinchi jahon urushidagi buyuk G‘alabaning 80 yilligi munosabati bilan "Vatan ravnaqi, tinchligi va himoyasi yo‘lidagi qahramonlik unutilmaydi" shiori ostida mamlakatimizning turli hududlarida bayram tadbirlari o‘tkazilmoqda. Bayram arafasida Ikkinchi jahon urushi faxriysi Xolbek ota Ravshanovning holidan xabar olindi.

Tadbirda Jizzax viloyati hokimi vazifasini bajaruvchi Ulug‘bek Mustafoyev, Markaziy harbiy okrug qo’mondoni o’rinbosari, Zomin tumani hokimi Alisher Abdug‘aniyev hamda keng jamoatchilik vakillari ishtirok etdilar. Ushbu tadbirda otaxonga O‘zbekiston Respublikasi Prezidentining bayram tabrigi, pul mukofoti, G‘alabaning 80 yilligi munosabati bilan berilayotgan yubiley medali hamda tuman hokimligining qimmatbaho esdalik sovg‘alari tantanali ravishda topshirildi.

Vatan ravnaqi, tinchligi va himoyasi yo‘lida ko‘rsatilgan qahramonlik bu maskanda ham hech qachon unutilmaydi.