Chilonzor tumani Tirsakobod MFY hududida saylov jarayoni bo‘lib o‘tdi.

  Chilonzor tumani Tirsakobod mahalla fuqarolar yig‘inida o‘tkazilgan saylov tadbirida xalq deputatlari Chilonzor tuman Kengashi deputati Imamov Sanjarali To‘lqinovich faol ishtirok etdi.

 Deputat saylov uchastkasiga tashrif buyurib, saylov jarayonining qonuniylik, ochiqlik va shaffoflik tamoyillari asosida tashkil etilganini bevosita kuzatdi. Deputat fuqarolar bilan suhbatlashib, ularning faol ishtiroki va saylovga bo‘lgan munosabatlarini tingladi.

  Imamov Sanjarali To‘lqinovich har bir saylovchining ovozi jamiyat taraqqiyoti va mahalliy boshqaruv tizimini mustahkamlashda muhim rol o‘ynashini ta’kidlab o‘tdi. Shuningdek, u fuqarolarning siyosiy faolligi demokratik qadriyatlar poydevori ekanligiga alohida urg‘u berdi.