YOSHLAR BILAN OCHIQ MULOQOT O‘TKAZILDI 

Joriy yilning 6 may kuni, Uchquduq tumanidagi Yoshlar markazida yoshlar bilan ochiq muloqot tarzidagi uchrashuv tashkil etildi. Tadbirda tuman hokimi, xalq deputatlari tuman Kengashi raisi Uchqun Yelmuratov, tuman IIB boshlig‘i Anvar Radjapov, tuman bosh imom-xatibi Abdijalol Turdiyev hamda mutasaddi tashkilotlar vakillari ishtirok etdi. 

Uchrashuvda tumandagi yoshlar, shu jumladan probatsiya hisobida turgan yoshlar ishtirok etib, o‘z muammo va takliflarini ochiq va erkin bayon qilishdi. 

Uchrashuv jarayonida har bir yoshning fikri eshitildi, ularni qiynayotgan masalalar yuzasidan tegishli chora-tadbirlar belgilandi. Shu bilan birga, yoshlarning kelajakdagi o‘rni, ta’lim, ish bilan ta’minlash va ma’naviy tarbiya masalalariga alohida e’tibor qaratildi. Bunday ochiq muloqotlar yoshlar bilan yaqindan ishlash, ularni qo‘llab-quvvatlash va jamiyatda faol ishtirokini ta’minlashda muhim ahamiyat kasb etadi