Bugungi kunda yurtimizda jamiyat taraqqiyotiga to‘siq bo‘layotgan asosiy muammolardan biri — korrupsiyaga qarshi kurash, shuningdek, to‘y-marosimlarning ifrat darajada ziyofati va isrofgarchilik kabi holatlarga chek qo‘yish masalasi dolzarb ahamiyat kasb etmoqda.

    Shu munosabat bilan Xalq deputatlari Bo‘stonliq tumani Kengashi deputati M.Ashurov tomonidan “Besh-tut” mahallasida aholi vakillari bilan uchrashuv tashkil etildi.

    Uchrashuv davomida birinchi navbatda jamiyatda korrupsiyaga qarshi immunitetni shakllantirish, fuqarolarda bu illatga nisbatan murosasiz munosabatni qaror toptirish zarurligi ta’kidlandi.

    Shu bilan birga, xalqimizning azaliy urf-odatlari va milliy qadriyatlariga mos ravishda to‘y, marosim va digar tadbirlarni ihcham va mazmunan boy tarzda o‘tkazish, isrofgarchilik, dabdababozlik, ortiqcha xarajatlarning oldini olish masalalari muhokama qilindi.

    M.Ashurov o‘z so‘zida, Prezident farmon va qarorlari asosida amalga oshirilayotgan chora-tadbirlar haqida ma’lumot berib o‘tdi. Ushbu yo‘nalishda mahallada jamoatchilik nazoratini kuchaytirish, aholining xabardorlik darajasini oshirish muhimligi qayd etildi.

Aholi vakillari tomonidan ham qator taklif va mulohazalar bildirildi. Ayniqsa, yoshlar o‘rtasida ma’naviy tarbiyani kuchaytirish, madaniyatli va odobli jamiyat barpo etishga qaratilgan tashabbuslar alohida e’tirof etildi.