#deputat_soʻrovi_javobi #Deputatlik_nazorati

Deputat so‘roviga Uchtepa tumani hokimining o'rinbosari tomonidan tegishli ma'lumotlar taqdim etildi

📝 Xalq deputatlari Uchtepa tumani Kengashi deputati Xaydarov Artur Mixaylovich tomonidan yuborilgan deputatlik so‘roviga tuman hokimining qurilish, to‘siqlarsiz muhit yaratish, kommunikasiyalarni rivojlantirish, ekologiya va ko‘kalamzorlashtirish masalalari bo‘yicha o‘rinbosari – tuman Obodonlashtirish boshqarmasi boshlig‘i Nurali Ismatov tomonidan rasmiy javob taqdim etildi.

📊 Deputatlik so'rovida ko'rsatilgan masalalaryuzasidan Hamdo‘st mahallasi hududidagi mavjud bolalar va sport maydonchalari hamda aholining ushbu obyektlar bilan ta’minlanganlik darajasi o‘rganilganligi, o‘rganishlar davomida Hamdo‘st mahallasida jami  4305 nafar aholi istiqomat qilishi hamda mahalla hududida 6 ta bolalar o‘yingohi va 3 ta workout (sport) maydonchasi mavjudligi aniqlanganligi ma'lum qilingan.

⚠️ Shuningdek, hozirgi kunda Toshkent shahar Qurilish bosh boshqarmasi tomonidan Toshkent shahri hududida aholi sonidan kelib chiqib, bolalar va sport maydonchalarini joylashtirish bo‘yicha belgilangan me’yorlarga muvofiq, har 1 000 nafar aholiga 1 ta bolalar maydonchasi, har 2 000 nafar aholiga 1 ta workout (sport) maydonchasi tashkil etilishi nazarda tutilganligi qayd etilgan.

✅ Kelgusida mahalladagi aholi sonining ortishi, mavjud maydonchalarga bo‘lgan ehtiyojning ko‘payishi yoki hududning ijtimoiy infratuzilmasini rivojlantirish zarurati yuzaga kelgan taqdirda, qo‘shimcha bolalar va sport maydonchalarini tashkil etish masalasi belgilangan tartibda qayta ko‘rib chiqilishi ma’lum qilindi.