🔰Talaba-sportchilar e’tirof etildi

🇺🇿Xalq deputatlari Jondor tumani Kengashi deputati O.SHerov tumandagi 3-son texnikumda bo‘lib, ta’lim muassasasida yoshlarning sportga bo‘lgan qiziqishini qo‘llab-quvvatlash, ularning iqtidor va salohiyatini rag‘batlantirishga qaratilgan ishlar bilan tanishdi.
🔹Tashrif davomida voleybol sport turi bo‘yicha o‘tkazilgan musobaqada g‘oliblikni qo‘lga kiritgan bir guruh talaba-sportchilar hamda ularning ustozlari bilan uchrashuv o‘tkazildi. Deputat O.SHerov g‘oliblarni samimiy muborakbod etib, ularning sportdagi yutuqlari e’tibor va e’tirofga munosib ekanini ta’kidladi.
🔹Shuningdek, musobaqada munosib natija qayd etgan talabalar va ularning ustozlariga esdalik sovg‘alari topshirilib, kelgusidagi sport musobaqalarida ham yuqori natijalarga erishishlari tiladi.
🔹Bunday rag‘batlantirishlar yoshlarni sport bilan muntazam shug‘ullanishga undash, sog‘lom turmush tarzini keng targ‘ib etish hamda ularning bo‘sh vaqtini mazmunli tashkil etishda muhim ahamiyat kasb etadi.