#162_ta_Qonunlar_ijrosi
#24_ta_tavsiyalar_ijrosi
#doimiy_komissiya
#Haftalik_ish_reja_ijrosi

“Polvontosh” mahallasida belgilangan vazifalar ijrosi o‘rganildi

Xalq deputatlari Bandixon tuman Kengashining 5-"Polvontosh" saylov okrugi deputati O.Jumayev hamda tuman Kengashi kotibiyati bosh mutaxassisi E.Eshonqulov Polvontosh mahallasiga tashrif buyurib, o‘rganish ishlari olib borildi.

O‘rganish jarayonida O‘zbekiston Respublikasi Prezidentining 2026 yil 24 iyundagi PF–116-son Farmonida belgilangan vazifalarning ijrosini ta’minlash borasida mahalla raisi tomonidan amalga oshirilayotgan ishlar atroflicha tahlil qilindi.

Jumladan, mahallada belgilangan vazifalarni amalga oshirish holati, aholi bilan ishlash, fuqarolar murojaatlarini o‘rganish hamda ularni qiynayotgan masalalarni hal etish borasida olib borilayotgan ishlarga alohida e’tibor qaratildi.

Shuningdek, belgilangan vazifalarning ijrosini samarali tashkil etish, mavjud muammolarni o‘z vaqtida aniqlash va ularning yechimiga amaliy ko‘maklashish masalalari yuzasidan tegishli tavsiyalar berildi.

Mahalla — aholi bilan bevosita muloqot va muammolarni hal etishning eng muhim bo‘g‘ini.

Xalq deputatlari Bandixon tuman Kengashi tomonidan mahallalarda belgilangan vazifalar ijrosini o‘rganish, aholi manfaatlarini ta’minlash va hududlardagi mavjud masalalarni hal etishga ko‘maklashish borasidagi ishlar izchil davom ettirilmoqda.