Xalq deputatlari Chilonzor tumani Kengashi deputati Murotova Lola Ne’matjon qizi o‘zi saylangan okrug hududidagi Navbahor mahallasi aholisi tomonidan bildirilgan murojaat asosida 9-uyda bo‘lib, ko‘p qavatli uyning issiqlik tizimi holatini o‘rgandi.
O‘rganish davomida xonadonlarni kuz-qish mavsumiga tayyorlash bo‘yicha amalga oshirilgan ishlar ko‘zdan kechirildi.
Ta’kidlash joizki, 9-uyning issiqlik tizimi mavsumga puxta va yaxshi tayyorlangan. Tizimning barqaror ishlashi, aholini issiqlik bilan ta’minlash va yuzaga kelishi mumkin bo‘lgan muammolarning oldini olish bo‘yicha zarur choralar ko‘rilgan.
Deputat tomonidan aholi murojaatlari doimiy nazoratga olinib, ularning amaliy yechimini ta’minlashga alohida e’tibor qaratilmoqda.