O‘zbekiston Respublikasi Oliy Majlisi Senati Kengashining 2025-yil 14-yanvardagi KQ-35-V-sonli “Hududlarni rivojlantirish hamda aholi muammolarini hal etishda mahalliy Kengashlar deputatlari va senatorlarning ‘mahalla yettiligi’ bilan o‘zaro hamkorligini yanada kuchaytirish chora-tadbirlari to‘g‘risida”gi qarori ijrosi doirasida joylarda o‘rganish ishlari davom ettirilmoqda.

🇺🇿 Xalq deputatlari Yunusobod tumani Kengashi Raisi, deputati
R. Yusupov tomonidan “Xiyobontepa” mahallasida xotin-qizlar faoli faoliyati o‘rganildi.

🔠 O‘rganish davomida mahallada xotin-qizlar bilan ishlash, ularning murojaatlarini ko‘rib chiqish, mavjud muammolarini aniqlash hamda ijtimoiy himoyaga muhtoj oilalarni qo‘llab-quvvatlash borasida amalga oshirilayotgan ishlar tahlil qilindi.

📝 Shuningdek, xotin-qizlarning bandligini ta’minlash, ularni kasb-hunarga va tadbirkorlikka jalb etish, nogironligi bo‘lgan shaxslar va ehtiyojmand fuqarolarni qo‘llab-quvvatlash, oilaviy muammolarni o‘z vaqtida aniqlash hamda ularni tegishli tashkilotlar bilan hamkorlikda hal etish masalalariga alohida e’tibor qaratildi.

👉 Mazkur yo‘nalishdagi ishlar deputatlik nazorati doirasida izchil davom ettiriladi.