#162_ta_qonun
📚 XALQ DEPUTATLARI KENGASHI NAMUNAVIY REGLAMENTINING 5-MODDASI

🔎 Kengash faoliyatida ochiqlik va shaffoflik

🇺🇿 O‘zbekiston Respublikasi Oliy Majlisi Senati Kengashining 2024-yil 21-oktyabrdagi KQ-835-IV-sonli qarori bilan tasdiqlangan Xalq deputatlari viloyat, tuman va shahar Kengashining namunaviy reglamentida mahalliy Kengashlar faoliyatini tashkil etishning muhim tartiblari belgilangan.

📌 5-modda Kengash faoliyatining oshkoraligi va ochiqligi masalalariga bag‘ishlangan.
🗣 Unga ko‘ra, Kengash faoliyati ochiqlik va shaffoflik tamoyillari asosida tashkil etiladi. Shuningdek, deputatlar tomonidan ko‘rib chiqilayotgan masalalar yuzasidan jamoatchilikni xabardor qilish ta’minlanadi.

📢 Kengash sessiyalari, doimiy komissiyalar faoliyati, qabul qilinayotgan qarorlar hamda boshqa muhim masalalar ommaviy axborot vositalari, rasmiy veb-saytlar va ijtimoiy tarmoqlar orqali keng jamoatchilikka yetkazilishi mumkin.

🤝 Mazkur norma fuqarolarning mahalliy Kengashlar faoliyati haqida axborot olish imkoniyatlarini kengaytirish, shuningdek, Kengashlarning ochiqligi, shaffofligi va hisobdorligini ta’minlashga xizmat qiladi.

📖 MANBA:
O‘zbekiston Respublikasi Oliy Majlisi Senati Kengashining 2024-yil 21-oktyabrdagi KQ-835-IV-sonli qarori bilan tasdiqlangan “Xalq deputatlari viloyat, tuman, shahar Kengashining namunaviy reglamenti”.

Xalq deputatlari Sherobod tumani Kengashi kotibiyati matbuot xizmati.
Bizni kuzatishda davom eting👇
Telegram | Facebook | E-Kengash | Instagram | YouTube