Xalq deputatlari Yangiobod tuman Kengashi deputati A. Isroilov tuman tibbiyot birlashmasi rahbari A. Kenjayev bilan birgalikda muassasaning terapiya bo‘limida bo‘lib, aholiga sifatli tibbiy yordam ko‘rsatilishi bilan bog‘liq jarayonlarni o‘rgandi.

O‘rganish davomida bemorlarga tibbiy xizmat ko‘rsatish sifati, shifokor va tibbiyot xodimlarining faoliyati, bemorlar uchun yaratilgan sharoitlar hamda davolash jarayonining tashkil etilishiga alohida e’tibor qaratildi.

Shuningdek, terapiya bo‘limida dori-darmon vositalarining mavjudligi, ularning saqlanish holati va bemorlarni zarur dori vositalari bilan ta’minlash masalalari ko‘zdan kechirildi.

Deputat tomonidan aholiga tibbiy yordamni o‘z vaqtida ko‘rsatish, dori-darmon ta’minotini muntazam nazorat qilish, bemorlar murojaatlariga e’tiborli bo‘lish hamda tibbiy xizmat sifatini yanada oshirish yuzasidan tegishli tavsiyalar berildi.