2026-yil 16-sentabr kuni Xalq deputatlari Xorazm viloyati Kengashining VII-26-108-12-0-K/26-sonli qarori qabul qilindi.

Qaror bilan Bog‘ot tumanidan jami 638 nafar shaxslarning yer uchastkasiga va mulkiga bo‘lgan huquqlari e’tirof etildi.

Kadastr agentligining “E’tirof” avtomatlashtirilgan axborot tizimi orqali kelib tushgan hujjatlar, vakolatli organlar ma’lumotlari hamda Xorazm viloyati adliya boshqarmasining tegishli xulosalari inobatga olinib, huquqlari e’tirof etilayotgan shaxslar ro‘yxati tasdiqlandi.

Qarorga muvofiq, ro‘yxatda nazarda tutilgan:
yakka tartibdagi uy-joylar egallagan yer uchastkalariga — 99 yil;
boshqa yer uchastkalariga — 49 yil muddatga ijara huquqi;
ularda qurilgan bino va inshootlarga esa mulk huquqi e’tirof etiladi.

Shuningdek, tuman va shahar hokimliklariga tegishli shaxslar bilan yer uchastkalarini ijaraga olish shartnomalarini tuzishni ta’minlash vazifasi yuklatildi.

Davlat kadastrlari palatasi Xorazm viloyati boshqarmasi tomonidan e’tirof etilgan huquqlarni belgilangan tartibda davlat ro‘yxatidan o‘tkazish choralari ko‘riladi.