Xalq deputatlari Qo‘qon shahar Kengashiga "Noib ko‘prigi" saylov okrugidan saylangan deputat M.Yunusov tomonidan "Noib ko‘prigi" mahalla fuqarolar yig‘inida o‘tkazilgan o‘rganishlar davomida hududdagi yo‘l infratuzilmasi va aholini qiynab kelayotgan muammolar joyiga chiqqan holda o‘rganildi.

O‘rganish jarayonida Sherali Mingboshi ko‘chasi ko‘cha boshisi, Oqtepasoy ko‘chasi 35-uyda yashovchi Madaminov Alisherjon bilan uchrashilib, mahallada amalga oshirilayotgan obodonlashtirish ishlari hamda mavjud muammolar yuzasidan suhbat o‘tkazildi.

Suhbat davomida ko‘cha boshisi tomonidan deputat M.Yunusov tashabbusi bilan Sherali Mingboshi ko‘chasining 200 metr qismida boshlangan asfaltlashtirish ishlarini imkon qadar tezroq yakunlash yuzasidan taklif bildirildi. Ushbu yo‘lning to‘liq foydalanishga topshirilishi hudud aholisi uchun qulay va xavfsiz harakatlanish imkoniyatlarini yanada yaxshilashi ta’kidlandi.

Mazkur murojaat deputat tomonidan joyida o‘rganilib, asfaltlashtirish ishlarini jadallashtirish va belgilangan muddatlarda yakunlash yuzasidan tegishli mas’ul tashkilotlar bilan belgilangan tartibda kelishuvga erishildi.

Xalq deputatlari Qo‘qon shahar Kengashi