Xalq deputatlari Qo‘qon shahar Kengashi deputati M.Yunusov tomonidan "Yangi Chorsu" saylov okrugi tarkibidagi "Noib ko‘prigi" mahalla fuqarolar yig‘inida Xalq deputatlari Qo‘qon shahar Kengashining navbatdagi sessiyasi kun tartibiga kiritilgan O‘zbekiston Respublikasi Prezidentining 2025-yil 3-yanvardagi PQ–1-sonli "2025-yilda Respublika mahallalarida xavfsiz muhitni yaratish va huquqbuzarliklarning barvaqt oldini olish tizimi samaradorligini yanada oshirish bo‘yicha chora-tadbirlar to‘g‘risida"gi qarori ijrosi hamda ushbu yo‘nalish bo‘yicha shahar IIB boshlig‘ining 2026-yil 6 oyi davomida amalga oshirilgan ishlar to‘g‘risidagi hisoboti yuzasidan o‘rganish va muhokama o‘tkazildi.

Muhokamada mahalla profilaktika inspektori I.Azimov, mahalla fuqarolar yig‘ini raisi hamda mahalla kengashi a’zolari ishtirok etib, hududdagi kriminogen vaziyat, jinoyatchilik va huquqbuzarliklarning oldini olish, jamoat tartibini saqlash hamda fuqarolar xavfsizligini ta’minlash borasida amalga oshirilayotgan ishlarni atroflicha tahlil qildilar.

Xususan, huquqbuzarliklar profilaktikasini kuchaytirish, yoshlar o‘rtasida jinoyatchilikning oldini olish, notinch oilalar bilan manzilli ishlash, tungi profilaktik tadbirlarni samarali tashkil etish hamda "xavfsiz mahalla" tamoyili asosida olib borilayotgan ishlar yuzasidan fikr almashildi.

Shuningdek, mahalla hududida zamonaviy videokuzatuv kameralarini o‘rnatish, mavjud kuzatuv tizimlarini kengaytirish, ko‘chalar va jamoat joylarida xavfsizlik infratuzilmasini yanada takomillashtirish bo‘yicha taklif va tavsiyalar muhokama qilindi.

Mazkur yo‘nalishdagi o‘rganish natijalari Xalq deputatlari Qo‘qon shahar Kengashining navbatdagi sessiyasida shahar IIB boshlig‘ining 2026-yil 6 oylik hisobotini ko‘rib chiqishda inobatga olinadi.

Xalq deputatlari Qo‘qon shahar Kengashi