ТАШАББУСЛИ БЮДЖЕТ ЛОЙИҲАЛАРИ ИЖРОСИ ЎРГАНИЛДИ
Халқ депутатлари Янгиқўрғон тумани Кенгаши котибияти мутахассиси Алимирзаев Шоҳрух томонидан маҳалла ҳудудида «Ташаббусли бюджет» дастури доирасида амалга оширилаётган лойиҳаларнинг ижро ҳолати жойига чиққан ҳолда ўрганилди.
Ўрганиш жараёнида қурилиш ва ободонлаштириш ишларининг сифати, белгиланган муддатларга риоя этилиши ҳамда ажратилган маблағлардан мақсадли ва самарали фойдаланиш масалаларига алоҳида эътибор қаратилди.
Шунингдек, амалга оширилаётган ишлар аҳоли эҳтиёжларига мослиги юзасидан маҳалла фаоллари ва фуқароларнинг фикр-мулоҳазалари тингланди.
Аниқланган камчиликларни бартараф этиш ва лойиҳаларни сифатли якунлаш бўйича масъулларга тегишли тавсиялар берилди. Мазкур лойиҳаларнинг ижроси Кенгаш котибияти томонидан назорат қилиб борилади.