O‘rganish davomida deputat ko‘cha boshi K.Obidov bilan uchrashib, hududda amalga oshirilayotgan asfaltlashtirish ishlari, ularning borishi hamda aholi uchun yaratilayotgan qulayliklar yuzasidan fikr almashdi.

Uchrashuv chog‘ida bir qator dolzarb masalalar ham muhokama qilindi. Xususan, "Kelajak" ko‘chasining katta avtomobil yo‘liga tutashgan taxminan 10 metr masofadagi qismi asfaltlashtirish ishlariga kiritilmayotgani fuqarolar tomonidan bildirildi. Mazkur holat transport vositalarining harakatlanishi va aholi uchun ma'lum noqulayliklarni yuzaga keltirayotgani ta'kidlandi.

Deputat ushbu masalani joyida hokim yordamchisi bilan birgalikda muhokama qilib, mavjud imkoniyatlarni o‘rganish hamda muammoni ijobiy hal etish yuzasidan tegishli choralar ko‘rilishini ma'lum qildi.