ДЕПУТАТ САЙЛОВЧИЛАР ОЛДИДА ЎЗ ФАОЛИЯТИ ЮЗАСИДАН АХБОРОТ БЕРДИ
Халқ депутатлари Янгиқўрғон тумани Кенгаши депутати Ғайбуллаев Шавкатжон Муҳаммаджон ўғли томонидан сайлов округида жойлашган «Барака» маҳалла фуқаролар йиғинида аҳоли билан учрашув ўтказилиб, депутатлик фаолияти юзасидан ҳисобот берилди.
Учрашувда депутат сайланган сиёсий партия вакиллари, туман Кенгаши котибияти мудири Эргашева Мунисхон, маҳалла «еттилиги» аъзолари, тегишли ташкилот ва идоралар масъуллари ҳамда маҳалла фуқаролари иштирок этдилар.
Депутат ўз ахборотида «Халқ депутатлари вилоят, туман ва шаҳар Кенгаши депутатининг мақоми тўғрисида»ги Қонуннинг 7-моддасига мувофиқ, депутат йилига камида тўрт марта сайловчиларга ўз фаолияти ҳақида ахборот бериши белгиланганини таъкидлади.
Шунингдек, ўтган чорак давомида амалга оширилган депутатлик фаолияти, жумладан:

🔹 юборилган депутатлик сўровлари ва уларнинг ижроси;
🔹 туман Кенгаши сессияларида эшитилган мансабдор шахслар ҳисобот ва ахборотлари;
🔹 Кенгаш томонидан қабул қилинган қарорлар;
🔹 аҳолидан келиб тушган мурожаатлар ва уларни ҳал этиш ҳолати;
🔹 сайлов округида ўтказилган ўрганишлар;
🔹 маҳалла инфратузилмасини яхшилаш бўйича амалга оширилган ишлар ҳақида батафсил маълумот берилди.
Ахборот давомида маҳалла кўчалари ва ички йўлларни таъмирлаш, электр энергияси ва ичимлик суви таъминотидаги муаммоларни бартараф этиш, ҳудудларни ободонлаштириш, чиқиндиларни ўз вақтида олиб чиқиш, ижтимоий соҳа объектлари ҳолатини яхшилаш ҳамда аҳолига муносиб турмуш шароитларини яратиш юзасидан олиб борилган ишларга алоҳида тўхталиб ўтилди.
Депутатлик сўровлари асосида масъул ташкилотлар томонидан бажарилган ишлар, ҳал этилган масалалар ҳамда ижроси назоратга олинган муаммолар ҳақида ҳам сайловчиларга маълумот тақдим этилди.
Учрашув давомида фуқаролар ўзларини қизиқтирган масалалар, мавжуд муаммо ва таклифларини билдирдилар. Ҳар бир мурожаат депутат ва масъуллар иштирокида муҳокама қилиниб, уларни қонуний ва амалий ҳал этиш бўйича тегишли вазифалар белгилаб олинди.
Депутат Ғайбуллаев Шавкатжон Муҳаммаджон ўғли аҳоли билан доимий мулоқот қилиш, фуқаролар мурожаатларини тизимли ўрганиш ва сайлов округидаги муаммолар ечими юзасидан депутатлик назоратини давом эттиришини билдирди.