Xalq deputatlari Muzrabot tumani Kengashiga 13-«Shabada» saylov okrugidan saylangan deputat Muxammadiyeva Barchin Hazratqulovna hamda tuman Kengashi kotibiyati bosh mutaxassisi B. Xoliqov ishtirokida tumandagi «Yangidiyor» mahallasi aholisi uchun navbatdagi fuqarolar qabuli o‘tkazildi.

Qabuldan ko‘zlangan asosiy maqsad fuqarolar murojaatlarini bevosita joyida o‘rganish, mavjud muammolarni aniqlash hamda ularni qonuniy va amaliy jihatdan hal etish choralarini belgilashdan iborat bo‘ldi.

Muloqot davomida fuqarolar tomonidan ijtimoiy himoya, mahalla infratuzilmasini yaxshilash, ichki yo‘llarni asfaltlash, ichimlik suvi tarmog‘ini kengaytirish, suyultirilgan gaz ballonlari bilan o‘z vaqtida ta’minlash, kommunal xizmatlar sifati hamda boshqa dolzarb masalalar yuzasidan murojaatlar bildirildi.

Har bir murojaat deputat tomonidan atroflicha tinglanib, ularning ijrosini ta’minlash yuzasidan mas’ul tashkilotlar bilan hamkorlikda amaliy choralar belgilandi. Ayrim masalalar joyida hal etilib, qo‘shimcha o‘rganishni talab etadigan murojaatlar deputatlik nazoratiga olindi.

Bunday sayyor qabullar fuqarolarni qiynayotgan muammolarni o‘z vaqtida aniqlash, ularni tezkor bartaraf etish hamda davlat organlari va aholi o‘rtasidagi ochiq muloqotni yanada mustahkamlanishini ta’minlaydi.