Ózbekstan Respublikası Oliy Majlisi Senatı Keńesiniń 2025-jıl 26-fevral kúngi “Xalıq deputatları wálayat, rayon hám qalalıq Keńesleri janında Jaslar másláhát toparın shólkemlestiriw haqqında”ǵı KQ-102-sanlı qararına muwapıq, jaslardıń belsendiligin arttırıw, olardıń baslamaların qollap-quwatlaw maqsetinde Xalıq deputatları Bozataw rayonlıq Keńesi janınan Jaslar másláhát toparı dúzilgen edi.
Usı qarar tiykarında Jaslar másláhát toparı aǵzaları menen Xalıq deputatları Bozataw rayonlıq Keńes sekretariatı baslıǵı hám deputatlar qatnasıwında ushırasıw ótkerildi.
Ushırasıw dawamında jaslar siyasatın ámelge asırıw boyınsha alıp barılıp atırǵan jumıslar, rayonda jaslar ushın jaratılǵan imkániyatlar hám olarǵa qaratılǵan mamlekettik baǵdarlamalar haqqında keń túrde maǵlıwmat berildi. Sonıń menen birge, jaslardıń bilim alıwı, kásip iyeligi, jumısqa jaylasıwı, startap hám isbilermenlik baslamaların qolap-quwatlaw, sport hám mádeniyat tarawın rawajlandırıw máseleleri atap ótilip, bul baǵdarda ámelge asırılıp atırǵan jumıslar dodalandı.
Jaslar másláhát toparı aǵzaları tárepinen jaslardı qızıqtırǵan bir qatar máseleler – bilim sıpatın jaqsılaw, bos waqıttı mazmunlı ótkeriw, zámanaǵa say kásiplerdi úyreniw, sanlı texnologiyalardı iyelew, jaslar arasında huqıqıy-bilim dárejesin arttırıw hám jaslar arasında jinayatshılıqtıń aldın alıw boyınsha pikir hám usınıslar bildirildi.