Xalq deputatlari Nurobod tumani Kengashi deputati G.Xusanova tomonidan 2-Konchi saylov okrugi hududida joylashgan Mash’al mahallasidan Nurobod tumani Sog‘liqni saqlash bo‘limini toza ichimlik suvi bilan ta’minlash maqsadida tortilayotgan suv tarmog‘i qurilish ishlari joyiga chiqib o‘rganildi.

O‘rganish davomida amalga oshirilayotgan qurilish-montaj ishlarining sifati, loyiha talablariga muvofiqligi hamda ishlarning belgilangan muddatlarda bajarilish holati bilan yaqindan tanishildi.

Shuningdek, mas’ul mutaxassislar bilan muloqot qilinib, ichimlik suvi tarmog‘ini barpo etish jarayonida qurilish sifati va belgilangan texnik me’yorlarga qat’iy rioya etish yuzasidan tavsiyalar berildi.

Xalq deputatlari Nurobod tumani Kengashi deputatlari tomonidan hududlarda amalga oshirilayotgan infratuzilma loyihalarini deputatlik nazorati tartibida o‘rganish, qurilish ishlari sifatini monitoring qilish hamda aholiga yaratilayotgan shart-sharoitlarni yanada yaxshilashga qaratilgan ishlar izchil davom ettirilmoqda.