Xalıq deputatları Taxtakópir rayonlıq Keńesi deputatı, rayon hákimi J.Adilov joqarı oqıw orınların pitkergen pitkeriwshiler hám student-jaslar menen ushırasıwı ótkerdi.
Ushırasıwda jaslardıń pikir-usınısları tıńlandı, olardı qızıqtırǵan máseleler boyınsha ashıq pikirlesiw alıp barıldı. Bilimlendiriw, bántlik, isbilermenlik, innovaciyalıq ideyalardı qollap-quwatlaw, jaslar ushın jaratılıp atırǵan imkaniyatlar hám mámleketlik baǵdarlamalar sheńberinde ámelge asırılıp atırǵan jumıslar haqqında tolıq maǵlıwmatlar berildi.
Sonday-aq, joqarı oqıw orınların tamamlaǵan pitkeriwshilerdiń bántligin támiyinlew, olardıń kásiplik potencialınan nátiyjeli paydalanıw, baslamaların qollap-quwatlaw hám bar mashqalalardı sheshiw boyınsha tiyisli juwapkerlerge wazıypalar belgilep berildi.
Ushırasıw juwmaǵında student-jaslar tárepinen bildirilgen usınıs hám múrájatlar boyınsha juwapkerler tárepinen tiyisli túsinikler berildi.