Ózbekstan Ekologiyalıq partiyası Taxtakópir rayonlıq partiya shólkemi Keńesiniń baslıǵı B.Baymbetova, "Jaslar klubı" jetekshisi A.Keńesbaeva hám rayonlıq Keńes deputatı A.Pirjanovanıń baslaması menen rayondaǵı "Kelajak Camp" balalar jazǵı dem alıw orayında "Áhmietli 90 kún" joybarı sheńberinde "Ana tábiyattı qásterlep saqlaymız" súreni astında ekologiyalıq-aǵartıwshılıq akciya ótkerildi.
Ilajda oqıwshı-jaslarǵa qorshaǵan ortalıqtı qorǵaw, tábiyattı qásterlep saqlaw hám ekologiyalıq mádeniyattı arttırıwdıń áhmieti haqqında túsinikler berildi. Sonday-aq, balalardıń ekologiyalıq bilimleri soraw-juwaplar arqalı sınaqtan ótkerildi.
Akciya sheńberinde "Ana tábiyattı asıramız" temasında súwret tańlawı shólkemlestirilip, jeńimpazlar hám belsendi qatnasıwshılar partiya tárepinen estelik sawǵaları menen sıylıqlandı.