Xalq deputatlari Bo‘zatov tumani Kengashining 12-sonli "Aspantay" saylov okrugi deputati G.Jumanazarova o‘z saylov okrugi hududida joylashgan 12-sonli maktabgacha ta’lim tashkilotiga tashrif buyurib, u yerda yaratilgan shart-sharoitlarni o‘rgandi.
O‘rganish davomida tarbiyalanuvchilar uchun yaratilgan qulay sharoitlar, bolalarga tarqatilayotgan oziq-ovqat mahsulotlarining sifati, ovqat tayyorlash va saqlash jarayonlari, shuningdek, bolalarning dam olish va o‘yin maydonchalarining tozaligi hamda sanitariya holati ko‘zdan kechirildi.
Deputat muassasa faoliyati bilan yaqindan tanishar ekan, mavjud sharoitlarni yanada yaxshilash, bolalar uchun xavfsiz va qulay muhitni ta’minlash, sanitariya-gigiyena talablariga qat’iy rioya etish yuzasidan o‘z taklif va tavsiyalarini bildirdi.
Mazkur o‘rganishlar maktabgacha ta’lim tizimida ta’lim-tarbiya sifati hamda bolalar uchun yaratilayotgan sharoitlarni yanada takomillashtirishga xizmat qiladi.