Xalq deputatlari Bekobod tumani Kengashiga O‘zbekiston “Milliy tiklanish” demokratik partiyasidan saylangan deputat, Kengash kotibiyati mudiri Q. Bobojonov "Inson" ijtimoiy xizmatlar markazi Bekobod tumani bo‘limida fuqarolar murojaatlari yuzasidan o‘rganish olib bordi.

O‘rganish davomida fuqarolar tomonidan bildirilgan murojaatlar, ularning mazmuni hamda ijro holati atroflicha tahlil qilindi. Murojaatlarda ko‘tarilgan masalalarni qonunchilik doirasida hal etish, ularning o‘z vaqtida va sifatli ko‘rib chiqilishini ta’minlash yuzasidan mas’ullarga tegishli tavsiya va topshiriqlar berildi.

Deputat tomonidan fuqarolar bilan ishlash tizimini yanada takomillashtirish, murojaatlar bilan ishlash samaradorligini oshirish hamda aholining ijtimoiy himoyasini kuchaytirish masalalariga alohida e’tibor qaratildi.