O‘zLiDeP dan saylangan Xalq deputatlari Amudaryo tuman Kengashi deputati M.Kazakov, o‘ziga biriktirilgan Yoshlar maslahat guruhi a’zosi va Kengash Kotibiyati xodimi B.Allaberganov bilan birgalikda deputat faoliyatining eng muhim 24 ta ustuvor yo‘nalishi doirasida navbatdagi o‘rganish ishlarini olib bordi.

Quyidagi masalalarga alohida e’tibor qaratildi:
Piyodalar va transport vositalarining xavfsiz harakatlanishini ta’minlash maqsadida ichki yo‘llarning bugungi holati ko‘zdan kechirildi.
Aholi va, ayniqsa, yoshlarning tungi vaqtlarda xavfsiz harakatlanishi uchun hududlardagi tungi yoritish chiroqlarining sozligi va yangilarini o‘rnatish ehtiyojlari tahlil qilindi.

O‘rganish yakunlari bo‘yicha tegishli chora-tadbirlar belgilanib, mutasaddi tashkilotlar bilan hamkorlikda tizimli ishlar tashkil etilishi nazoratga olindi.