🏡🌳 Sherobod tumanida obodlik va bunyodkorlik ishlari izchil davom etmoqda

🇺🇿 Prezidentimiz rahbarligida o‘tkazilgan videoselektor yig‘ilishida belgilangan ustuvor vazifalar hamda 2026-yil – “Mahallani rivojlantirish va jamiyatni yuksaltirish yili” doirasidagi topshiriqlar ijrosini ta’minlash maqsadida Sherobod tumanining barcha mahallalarida keng ko‘lamli obodonlashtirish va bunyodkorlik ishlari amalga oshirilmoqda.

🤝 “Mahallada obodlik va mehr-saxovat oyligi” doirasida Xalq deputatlari Sherobod tumani Kengashi deputatlari ham o‘z saylov okruglarida obodonlashtirish ishlarida faol ishtirok etmoqda.

🎉 Mazkur ishlar mamlakatimiz mustaqilligining 35 yilligini “Yagona Vatan, yagona xalq bo‘lib, yangi hayot va kelajak yaratamiz” g‘oyasi ostida munosib kutib olish maqsadida amalga oshirilayotgan bunyodkorlik va obodonlashtirish tadbirlarining uzviy davomi hisoblanadi.

🚜 Bugungi kunda tumanning barcha mahallalarida ko‘cha va ichki yo‘llarni tartibga keltirish, hududlarni ko‘kalamzorlashtirish, sanitariya-tozalash ishlarini kuchaytirish, ariq va zovurlarni tozalash hamda xonadonlar atrofi ozodaligini ta’minlash bo‘yicha keng ko‘lamli ishlar olib borilmoqda.

🌿 Shuningdek, mahallalarda hasharlar tashkil etilib, aholi, nuroniylar, yoshlar va faollar ishtirokida mehr-saxovat tadbirlari o‘tkazilmoqda. Bu kabi ezgu tashabbuslar orqali mahallalarni yanada obod, fayzli va yashash uchun qulay maskanga aylantirishga alohida e’tibor qaratilmoqda.