Xalq deputatlari Bag‘dod tumani Kengashining "3-Olchin" saylov okrugi deputati A.Ubaydullayev hamda Kengash kotibiyati mudiri G‘.Abdullayev tomonidan "Olchin" mahalla fuqarolar yig‘inida yoshlar yetakchisi faoliyati, yoshlar bandligini ta’minlash va ularni sport hamda kasb-hunarga jalb etish borasida amalga oshirilayotgan ishlar joyiga chiqib o‘rganildi.

O‘rganish davomida mahallada 16–30 yoshdagi 1 024 nafar yosh istiqomat qilishi, 2026-yilning o‘tgan davrida 2 nafar yoshning oliy ta’lim muassasasidagi kontrakt to‘lovlari qoplab berilgani ma’lum qilindi. Shuningdek, 700 nafardan ortiq yosh “Besh tashabbus olimpiadasi” musobaqalariga jalb etilgan.

Yoshlarning bo‘sh vaqtini mazmunli tashkil etish maqsadida mahallada joylashgan 18-umumiy o‘rta ta'lim maktabida “Sulton Junior” futbol klubi faoliyati yo‘lga qo‘yilgan bo‘lib, unda 200 nafar yosh muntazam sport bilan shug‘ullanmoqda.

🐝 O‘rganish jarayonida deputat tashabbusi va bevosita ko‘magida mahallani asalarichilikka ixtisoslashtirish bo‘yicha amalga oshirilayotgan ishlar ham ko‘zdan kechirildi. Xususan, mahalla binosida yoshlarni asalarichilik sirlariga o‘rgatish bo‘yicha o‘quv kurslarini tashkil etish ishlari boshlangan bo‘lib, mazkur tashabbus yoshlarning kasb egallashi va bandligini ta’minlashga xizmat qilishi ta’kidlandi.

✅ O‘rganish yakunida yoshlar bilan ishlash samaradorligini yanada oshirish, ularning bandligini ta’minlash hamda kasb-hunarga yo‘naltirish borasidagi ishlarni izchil davom ettirish yuzasidan tegishli tavsiyalar berildi.