Xalq deputatlari Qo‘shko‘pir tuman Kengashi deputati J. Masharipov, kotibiyat bosh mutaxassisi S. Matyaqubova hamda O‘zbekiston Ekologik partiyasi Qo‘shko‘pir tuman bo‘limi rahbari M. Rahimovalar Zarbdor mahallasidagi fermer xo‘jaliklarida o‘rnatilgan quyosh panellarining ishlash samaradorligi va ulardan foydalanish holatini o‘rgandilar.
O‘rganish davomida qayta tiklanuvchi energiya manbalaridan samarali foydalanish, elektr energiyasini tejash hamda fermer xo‘jaliklarida “yashil iqtisodiyot” tamoyillarini keng joriy etish borasida amalga oshirilayotgan ishlar tahlil qilindi. Shuningdek, quyosh panellarining texnik holati, ishlab chiqarish quvvati va amaliy samaradorligi yuzasidan mas’ullar bilan fikr almashildi.
Mazkur o‘rganish ishlari Prezidentimiz tomonidan ilgari surilgan ekologik barqarorlikni ta’minlash, qayta tiklanuvchi energiya manbalaridan foydalanish ko‘lamini kengaytirish hamda hududlarda energiya tejamkor texnologiyalarni joriy etishga qaratilgan davlat siyosatining izchil ijrosini ta’minlashga xizmat qiladi.