Atap aytqanda, 2026-jıldıń birinshi yarım jıllıǵında xalıqtıń múrájatları menen islesiw boyınsha ámelge asırılǵan jumıslar, rayondı kompleksli sociallıq-ekonomikalıq rawajlandırıw baǵdarlamasınıń orınlanıwı, orınlaw tártibiniń jaǵdayı hám Ózbekstan Respublikası Prezidenti qararlarınıń orınlanıwı boyınsha juwapkerlerdiń esabatları tıńlandı.

Sonday-aq, rayonda "Meniń baǵım" joybarın ámelge asırıw, jınayatshılıq hám huqıqbuzarlıqlardıń aldın alıw, jámiyetlik tártipti saqlaw, puqaralardıń qáwipsizligin támiyinlew hám profilaktikalıq ilajlardıń nátiyjeliligin arttırıw máseleleri de hár tárepleme dodalandı.

Sessiyada rayon prokuraturası, Ishki isler bólimi, Ádillik bólimi, Rayonlıq medicina birlespesi hám Mektepke shekemgi hám mektep bilimlendiriwi bólimi hám basqa da tarawlar tárepinen usı jıldıń ótken dáwiri dawamında ámelge asırılǵan jumıslar boyınsha málimleme hám esabatlar tıńlandı. Tarawlardaǵı házirgi jaǵday tallanıp, keleshektegi tiykarǵı wazıypalar belgilep alındı.
Deputatlar tárepinen kún tártibindegi barlıq máseleler boyınsha hár tárepleme pikir alısılıp, tiyisli qararlar qabıl etildi.

Juwapker shólkemler hám uyımlarǵa belgilengen wazıypalardıń óz waqtında hám sapalı orınlanıwın támiyinlew boyınsha anıq tapsırmalar berildi. Sessiyada qabıl etilgen qararlar rayondı bunnan bılay da rawajlandırıw, xalıqtıń turmıs sapasın jaqsılaw, mámleketlik uyımlar jumısınıń nátiyjeliligin arttırıw jáne aymaqta ámelge asırılıp atırǵan reformalardıń turaqlı dawam ettiriliwine xızmet etedi.