📋 Májilis dawamında rayon xalqınıń turmıs sapasın jaqsılaw, sociallıq qollap-quwatlawdı kúsheyttiriw, bilimlendiriw, medicina hám jaslar siyasatı tarawlarında ámelge asırılıp atırǵan jumıslar boyınsha bir qatar máseleler kórip shıǵıldı.
🏥 Dáslep, Shomanay rayonı Medicina birlespesiniń 2026-jıl II sheregi dawamında xalıqqa medicinalıq járdem kórsetiw, salamatlıqtı saqlaw mákemelerinde alıp barılǵan jumıslar, profilaktikalıq ilajlar hám medicinalıq xızmet sapasın jaqsılaw baǵdarındaǵı jumısları haqqında esabatı tıńlandı.
🎓 Sonıń menen bir qatarda, Shomanay rayonı Mektepke shekemgi hám mektep bilimlendiriw bóliminiń bilim sapasın arttırıw, oqıw-tárbiya procesin jetilistiriw, bilimlendiriw mákemeleriniń materiallıq-texnikalıq bazasın bekkemlew boyınsha ámelge asırılǵan jumısları haqqında málimleme berildi.
👩‍👩‍👧 Shomanay rayonı Shańaraq hám hayal-qızlar bólimi tárepinen hayal-qızlardı qollap-quwatlaw, shańaraqlardıń turaqlılıǵın bekkemlew, sociallıq qáwipsizligi tómengi qatlam menen islew hám xızmetlerdi jetkiziw boyınsha alıp barılǵan jumıslar haqqında esabat usınıldı.
👨‍💼 Sonday-aq, rayonlıq Jaslar isleri bóliminiń jaslar bántliǵin támiyinlew, olardıń bos waqtın mazmunlı shólkemlestiriw hám liderlik kónlikpelerin rawajlandırıw baǵdarındaǵı jumısları haqqında esabatı tıńlandı.
💬 Esabatlar tıńlanǵannan keyin turaqlı komissiya aǵzaları tárepinen máseleler dodalanıp, anıqlanǵan kemshiliklerdi saplastırıw, jumıslar nátiyjeliligin arttırıw boyınsha tiyisli usınıslar hám pikirler bildirildi.
✅ Kún tártibindegi barlıq máseleler boyınsha tiyisli sheshimler qabıl etilip, turaqlı komissiyanıń juwmaqları tastıyıqlandı.
📑 Talqılanǵan máselelerdi Xalıq deputatları Shomanay rayonlıq Keńesiniń gezektegi sessiya májilisinde kórip shıǵıw ushın usınıs etiw haqqında tiyisli qarar qabıl etildi.