Xalq deputatlari Sardoba tumani Kengashi deputati N.Xamidova hamkorligida Xalqobod MFYda uzoq yillar davomida ahil va namunaviy hayot kechirib, yoshlar ta’lim-tarbiyasi yo‘lida fidokorona mehnat qilib kelayotgan Absatovlar xonadoniga tashrif buyurildi.
Tashrif davomida oilaning jamiyatda sog‘lom ma’naviy muhitni shakllantirish, farzandlarni milliy qadriyatlar, mehr-oqibat va vatanparvarlik ruhida tarbiyalash borasidagi munosib hissasi alohida e’tirof etildi. Shu munosabat bilan Absatovlar oilasiga “Ibratli oila” ko‘krak nishoni tantanali ravishda topshirildi.
Tadbirda ta’kidlanganidek, oila muqaddasligini asrash, yosh avlodni barkamol etib tarbiyalash va jamiyatda ibratli oilalar sonini ko‘paytirish muhim ahamiyat kasb etadi. Absatovlar xonadonining hayot yo‘li va oilaviy qadriyatlarga sodiqligi yoshlar uchun munosib namuna ekani qayd etildi.